GARBITZAILEEN LAN POLTSA
Udal eraikinetako garbiketako langileen lan poltsa egiteko beharra ikusi denez, lan poltsa sortzeko hautaketa-prozesua tramitean jarri da.
Deialdiaren informazioa uztailak 2ko Gipuzkoako Aldizkari Ofizialean argitaratu da.
Eskaera egiteko epea uztailak 3tik 16ra bitartekoa, biak barne.
Bete beharreko baldintzak:
- 16 urte beteta edukitzea
- Euskerazko 1. mailako hizkuntz eskakizuna
- Eskola ziurtagiria
Ongizate batzordetik, DENON ARDURA DELAKO lemapean, berdintasuna lantzeko ekitaldi sorta antolatu genuen ekainaren 30erako.
Larunbat goizean elkartu eta bi taldetan banatu ginen, gizonezkoak batetik eta emakumezkoak bestetik, berdintasunaren gaia ikuspegi ezberdinetatik lantzeko. Ondoren elkarrekin bildu eta ateratako ondorioak elkarbanatu genituen. Bitartean, umeek berdintasunaren inguruko murala margotu zuten plazan. Festa giroan jarraitu zuen gero egunak, batukadak lagundutako poteoarekin eta herri bazkariarekin.
Sendo S.L. S.L enpresak aurkeztu duen ITSASONDOKO BIDE PUBLIKOEN INBENTARIOA izeneko proiektua ikusi ondoren, 2018ko maiatzaren 28an udalak egindako batzarrean, honako erabakia hartu zen:
— Sendo S.L enpresak egindako ITSASONDOKO BIDE PUBLIKOEN INBENTARIOA izeneko dokumentuari hasierako onespena ematea.
Itsasondon Bake Epailea izendatzeko epea irekitzen da. Interesa duen edonork, baldintzak betetzen baditu, ekainaren 28ra bitarte du Itsasondoko Udaletxean izena emateko aukera.
Informazio gehiagorako ondorengo dokumentua jeitsi edo Itsasondoko Udaletxera deitu (943 881170) dezakezu.
2018ko maiatzaren 28an egindako bileran Udal Plenoak ahobatez Nagusia 7ko 2. pisuan kokatzen den Udalaren jabetzako etxebizitza errentan emateko baldintza plegua onartu zuen.
Informazio gehiago ondorengo pleguan edo udaletxera deituz.