Ohiko legez, garai hauetan iraileko festak antolatzeari ekiten diogu, eta oraingoan ere hasi beharko dugu! Suposatzen dut, iraila amaierako ez dela oztoporik izango (agian jende kopuru asko ekidin behar dira) baino gu gurera jarriko gara eta ikusiko dugu data gerturatu ahala...

Gaur genuen festa batzordea aurreikusita, baino fisikoki elkartu ezin dugunez, 2019ko jaien balorazioak oinarri hartuta (atxikita balorazioa) 2020 egitarauaren zirriborro bat bidaltzen dizuegu, elkartu gaitezenerako ideia bat egiten joan gaitezen. 

Covid 19a dela eta, ezin dugu ,ohi dugun moduan aldizkaria paper edizioan zuen etxeetan banatu. Baino baziren kontatzeko kontu asko eta hemen duzue Itsasondo 45. aldizkaria zuen esku. Eneko Salinasen elkarrizketa irakurtzeaz gain, entzuteko parada ere baduzue. 
 
on egin!

Laguntza psikologikoa
Eusko Jaurlaritzak laguntza psikologikoa eskaintzeko programa berri bat jarri du martxan: ADI. Konfinamendu garaira eta alarma egoerara egokitzeko zailtasunaren ondorioz, ondoez emozionala areagotu zaien herritarrei laguntza psikologikoa eskaintzea da programa berriaren helburua. Aurrez zituzten arazo psikologikoak areagotu zaizkien lagunei zein sortu diren premia berriei erantzuteko sortu da programa berri hau.

Ezohiko egoerari aurre egiteko laguntzak
Koronabirusaren eraginez, familia askoren egoera ekonomikoa aldatu egin da, eta laguntza premiak ugaritu egin dira. Halako egoeraren batean dauden herritarrei deia egiten diegu udaleko gizarte langilearekin harremanetan jartzera. Aurrez aurreko zitarik ematen ez badu ere, telefonoz jasoko ditu kontsulta eta eskaera guztiak, eta banan bana aztertuko dira egoerak. Edozein argibide eskatzeko, deitu udaletxera (943-88 11 70), 08:30etik 13:30era, edo idatzi alkatea@itsasondo.eus helbide elektronikora.

Konfinamenduak irauten duen bitartean, "Liburuak etxera " zerbitzua martxan jarri dugu. 
Astero liburuak eskuratzeko aukera egongo da. Eskaerak, asteazkena arratsaldeko 8ak arte jasoko dira.Ostiral goizean etxeetara eramango zaizkizue liburuak. Segurtasun neurriak betez.Ez dira itzuli beharko, jakinarazpen berririkizan arte.Helduon katalogotik izenburu zehatzak eskatu daitezke,(eskaera orokorrak ere) haurren sailean eskaera orokorrak egingo dira. (Eskaera orokorra: Adb. nobela beltza gazteleraz, edo 6-8 urte bitarteko ipuin bat...