Otsailaren 18an, larunbata, txango bat egiteko asmoa dugu gure herriak barne hartzen duen paisaiaren ondarea ezagutzeko asmoz.
Paisaia horren barruan, dakigun bezala, Itsasondon arbel meategiak dauzkagu eta hau 1856an Ferrocarril del Norte enpresaren lehenengo memoria eta aurrekontua erredaktatu zenean ezagutu zen, izan ere, lurraren azterketa geologiko bat egin zen eta honi esker jakin ahal izan zen hareharriak zeudela Telleriarten, burdina Zerain-Mutiloan eta arbela Itsasondon.

Otsaileko gaia Euskara batzordeak hartu zuen eta beraz, 2017rako proiektuez eta ibilbideaz arituko gara.
Nola ikusten duzu euskara herrian?
Bultzadarik behar duela uste al duzu?
Ba al duzu proposamenik gaiaren inguruan?
 
Herriko elkarte eta norbanako guztiak gonbidatuta zaudete, zuen iritzi eta proposamenak oso baliagarriak izango dira 2017rako interesguneak finkatzeko, beraz, animatu eta etorri!
 

Itsasondotik aurtengo Korrika apirilaren 8an pasatuko denez, aurretik berotzeko ekintza batzuk egitea pentsatu dugu.
Guzti hori antolatzeko bigarren batzar bat antolatu dugu, otsailaren 15ean arratsaldeko 18:00etan udaletxean.
Ekarri ideiak eta parte hartu antolaketan!
 

Xabier Mendiaraz kiropraktikoaren eskutik, "ZAINDU ZURE OSASUNA BIZKAR HEZURRAREN BITARTEZ " izenburu duen hitzaldia iznago dughu Itsasondon.
EGUNA: Otsailaren 14an, asteartea
ORDUA: Arratsaldeko 18:00etan
LEKUA: Kulturgunean

Otsailaren 11an Euskal Herriko Mus Txapelketa-n parte hartzeko aukera izango dugu herrian.
Kaxintane tabernan izango da txapelketa, arratsaldeko 16:00etan, izen ematea berriz 15:30tan.
Animatu!

Aralarren egiten ari diren pistak direla eta Arala Bizirik plataformako kideek saio informatibo bat eskainiko digute 19:00-20:30 bitartea, kulturgunean.

ERREFUXIATUAK ONGI ETORRI EKIMENA
OTSAILAK 4 | 10:00tan plazan
2016 urtean zehar, azken urteetako ildoari jarraituz, milaka eta milaka errefuxiatuen inguruko egoera dramatikoaren berri izan dugu eta hau ezagututa, 2016ko ekainean Itsasondoko ongizate batzordeak erabaki zuen Siriar Errefuxiatuei laguntza ematea Bizi Ekin Ordiziako elkartearen bidez. Material bilketa bat egin genuen eta baita erantzun ona jaso ere. Mila esker benetan zuen alea jarri zenuten guztiori.

Herriko erretiratu guztientzako dohako tailerra. 18:00 - 19:30 Bizi Nahi jubilatu elkartean.