Albisteak

Itsasondoko Jaiak gerturatzen ari direnez eta udara sormena lantzeko garai aproposa denez Itsasondoko jaietarako prestatzen joan zaitezteten bi proposamen aurkezten dizkizugu.

• Batetik Itsasondoko 2018ko jaietako Mozorroen gaia Pelikulak da, joko asko ematen du eta gai zabala da.
• Aurten Itsashow ekimen berria izango dugu, herrian ditugun artista, komediante, kantari, kirolari, txistekontalari eta gainerako show izar guztientzat aukera paregabea. Irailaren 22rako larunbata, gehinez 2 minutuko show-a prestatu eta izan izar une batez.

Ongizate batzordetik, DENON ARDURA DELAKO lemapean, berdintasuna lantzeko ekitaldi sorta antolatu genuen ekainaren 30erako.
Larunbat goizean elkartu eta bi taldetan banatu ginen, gizonezkoak batetik eta emakumezkoak bestetik, berdintasunaren gaia ikuspegi ezberdinetatik lantzeko. Ondoren elkarrekin bildu eta ateratako ondorioak elkarbanatu genituen. Bitartean, umeek berdintasunaren inguruko murala margotu zuten plazan. Festa giroan jarraitu zuen gero egunak, batukadak lagundutako poteoarekin eta herri bazkariarekin.

Itsasondon Bake Epailea izendatzeko epea irekitzen da. Interesa duen edonork, baldintzak betetzen baditu, ekainaren 28ra bitarte du Itsasondoko Udaletxean izena emateko aukera.
Informazio gehiagorako ondorengo dokumentua jeitsi edo Itsasondoko Udaletxera deitu (943 881170) dezakezu.

 
  Kontratazio mahaiak 2.kartazala jarraian zehazten den egunean irekitzea erabaki du:
 
MAIATZAK 24, goizeko 12tan.
 
Eta interesatu guztiei horren berri ematen zaie dagokion ondorioetarako.
Eskaintza guztiak aztertu ondoren URBYCOLAN S.L. enpresari esleitu zaizkio lanak 305.674,64€tan.