Arratsaldeko 7etan hasita, pintxo goxo-goxoak dastatzeko aukera izango da Kaxintanen, Nautikon, Bizi nahi elkartean eta Arbelaitz elkarteak plazan jartzen duen txosnan. Animatu!

Momentu polit asko utzi dizkigute aurtengo jaiek eta guzti horiek oroitu nahian, jasotako argazki eta bideoen emanaldia egingo dugu, urriaren 20an arratsaldeko 18:30etan Kulturgunean.
Guztiok gonbidatuta zaudete, beraz etorri, ederki pasako dugu eta!

Aurtengo jaietako Playback-a oso arrakastatsua izan da. Ikusleok oso ondo pasa genuen eta zer esanik ez dantzariek! Zuen lana eta esfortzua baloratu nahiean, beraz, merendola antolatu dugu urriaren 20rako. Arratsaldeko 16:15etan izango da, Bizi Nahi elkartean.
Eskerrik asko zuen parte hartzeagatik eta zorionak egindako lanagatik!
 

Arratsaldeko 18:30etatik 20:30etara bitartean odola emateko aukera izango da udaletxeko lehenengo solairuan.

Gogoratu ondoren, bokadillo goxo goxoak prestatzen dizkigutela Bizi Nahi elkartean indarrak hartzeko, beraz, animatu!!

Frontoiaren irisgarritasuna hobetu asmoz hainbat proiektu aurkeztuko dira eta hauen inguruko azalpenak emango dira, baita zalantzak argitu ere. 
EGUNA: URRIAK 5, OSTEGUNA
ORDUA: 19.00etan
LEKUA: KULTURGUNEAN
 

Aurtengo jaiak ere konturatzerako pasa zaizkigu. Orain hauen balorazioa egin eta hurrengo urtera arte itxarotea besterik ez zaigu gelditzen. Jai onak pasa izana espero dugu eta zure iritzia oso garrantzitsua denez, egingo dugun balorazio bilerara gerturatzeko gonbitea luzatzen dizugu.
EGUNA: URRIAK 4, ASTEAZKENA
ORDUA: 18:30etan
LEKUA: UDALETXEAN

Urteroko ohiturari jarraiki, aurten ere eskulan ikastaroari hasiera emango zaio urriaren 4an. Asteazkena izango da biltzeko eguna eta 14:45etatik 16:45etara izango dira saioak. Horretarako, Bizi Nahi elkartea irekiko da eta 15 € ordainduz, hiru hilabeterako klaseak jasotzeko aukera izango da. Animatu!