HERRIGUNEA
Herrigunean lehendik dauden etxebizitza, industria edo zerbitzuetako eraikuntza guztiez gain, eremu honetan egin daitezkeen eraikin eta aldaketa obra eta lan guztiak aurreikusten ditu. Plano honetan ikusi daiteke Itsasondoko zati urbanizagarria eta bere ezaugarriak (esteka).
HAPOa onartu zenetik herrigunea aldatzen joan da, gehien bat Beitiko lurretan egin diren etxebizitza multzoarekin. Hauez gain, herriguneko beste hainbat lekuetan ere etxebizitza berriak eraikitzea aurreikusten da. Eta Beko kalearen bukaeran dagoen Orbeldiko zelaian, industrigune berria ezartzea.
Ekipamendu kolektiboetan, HAPO honek eman digu eskola berria eraikitzeko proiektua martxan jartzea, pilotalekua plazarekin bateratzea, parkea berritzea edo irisgarritasuna ahalbidetzen joateko hainbat ekimen eta plan bultzatzea.